KING PUBLICATIONS

Monday, 16 November 2015

తెలంగాణలో టీచరు పోస్టు ఖాళీల వివరాలు

తెలంగాణలోని వివిధ ప్రభుత పాఠశాలల్లో 10 వేలకు పైచిలుకు టీచర్ పోస్టులు ఖాళీగా ఉన్నాయి. ఇటీవల నిర్వహించిన రేషనలైజేషన్ తర్వాత వివిధ పాఠశాలల్లో ఉన్న ఖాళీలపై స్పష్టత వచ్చింది. విద్యా హక్కు చట్టం ప్రకారం ప్రభుత్వ పాఠశాలల్లో ఉపాధ్యాయుల భర్తీ కచ్చితంగా చేపట్టాలి. ప్రభుత్వ పాఠశాలల్లో దాదాపు 17500 ఉపాధ్యాయ పోస్టులు ఖాళీగా ఉన్నప్పటికీ రేషనలైజేషన్ లో భాగంగా పాఠశాలల కుదింపు ఇతర చర్యల తర్వాత ఈ సంఖ్య 10 వేలకు తగ్గింది. మహబూబ్ నగర్ జిల్లాలో అత్యధికంగా 2,024 ఉపాధ్యాయ పోస్టులు ఖాళీగా ఉన్నాయి.

జిల్లాలవారీగా ఉపాధ్యాయ ఖాళీల వివరాలు

ఆదిలాబాద్ 1818

నిజామాబాద్ 944

కరీంనగర్ 666

మెదక్ 1257

హైదరాబాద్ 763

రంగారెడ్డి 1442

మహబూబ్ నగర్ 2024

నల్లగొండ 689

వరంగల్ 634

ఖమ్మం 724

--------------------------

మొత్తం 10,961

---------------------------

టెట్ ఫలితాలు ఫిబ్రవరి 12న రానున్నాయి. ఆ వెంటనే డిఎస్సీ నోటిఫికేషన్ రావచ్చు.

టీచర్స్ ఎలిజిబిలిటి టెస్ట్

TET

డిఎస్సీకి అర్హతగా పరిగణించే టీచర్స్ ఎలిజిబిలిటి టెస్ట్ TET కు సమయం ఆసన్నమైంది. తెలంగాణ ఏర్పడిన తర్వాత నిర్వహిస్తున్న తొలి టెట్ ఇది. వచ్చే ఏడాది జనవరి 24, ఆదివారం నిర్వహించే ఈ పరీక్షకు సంబంధించిన నోటిఫికేషన్ నవంబర్ 16న విడుదల కానుంది. ఈ నెల 19 నుంచి వచ్చే నెల 10 వరకు దరఖాస్తులు స్వీకరిస్తారు. డిసెంబర్ 9 వరకు ఫీజు చెల్లించవచ్చు. పరీక్ష ఫీజు రూ.200.00. ఒక పేపర్ రాసినా, రెండు పేపర్లు రాసిన రెండొందల రూపాయల ఫీజు చెల్లించాలి. దరఖాస్తులు, బుక్ లెట్, ఫీజు చెల్లింపుల కోసం ప్రభుత్వం ప్రత్యేకంగా వెబ్ సైట్ tstet.cgg.gov.in ఏర్పాటు చేసింది. డీఎస్సీలో టెట్ మార్కులకు 20 శాతం వెయిటేజ్ ఉంది.

రాష్ట్రం ఉమ్మడిగా ఉన్నప్పడు నాలుగుసార్లు టెట్ నిర్వహించారు. త్వరలోనే డీఎస్సీ నిర్వహించే యోచనలో ఉన్న ప్రభుత్వం ఆ దిశలో భాగంగా ఇప్పుడు టెట్ నిర్వహిస్తోంది.

ఈ పరీక్షకు తెలంగాణ రాష్ట్రంలోని పాఠ్యపుస్తకాల్లోని మార్పుల ఆధారంగానే టెట్ సిలబస్ ఉంటుంది.

టెట్ కు సంబంధించిన పూర్తి వివరాలు

16-11-2015 నోటిఫికేషన్ జారీ

18-11-2015 నుంచి 09-12-2015 టీఎస్ ఆన్ లైన్ లేదా పేమేంట్ గేట్ వే ద్వారా ఫీజు చెల్లింపు

18-11-2015 టెట్ బుక్ లెట్ డౌన్ లోడ్

19-11-2015 నుంచి 10-12-2015 ఆన్ లైన్ లో ఆప్లికేషన్ సబ్మిషన్

18-11-2015 నుంచి 24-1-2015 వరకు హెల్ప్ డెస్క్ వర్కింగ్

23-11-2015 నుంచి 10-12-2015 వరకు ఆన్ లైన్ దరఖాస్తులకు సంబంధించిన ఫిర్యాదుల స్వీకరణ

30-12-2015 పరీక్ష కేంద్రాల ఖరారు

04-01-2016 నుంచి హాల్ టికెట్ల డౌన్ లోడింగ్

24-01-2016 టెట్ ఎగ్జామ్

12-02-2016 రిజల్స్ట్

24-01-2016 ఉదయం 9.30 గంటల నుంచి మధ్యాహ్నం 12 గంటల వరకు పేపర్ -1

(ఎస్ జిబిటి పోస్టులకు అర్హులైన డిఎడ్ అభ్యర్థులకు)

పేపర్ -2 మధ్యాహ్నం 2.30 గంటలకు నుంచి సాయంత్రం 5 గంటలకు

(స్కూల్ అసిస్టెంట్,పండిట్ పోస్టులకు అర్హులైన బీ.ఎడ్, పండిట్ అభ్యర్థులకు)

Thursday, 12 November 2015

పోలీసు ఉద్యోగ వివరాలు

పోలీసు ఉద్యోగాల భర్తీ కోసం ఎదురుచూస్తున్న నిరుద్యోగులకు శుభవార్త. దాదాపు 7,450 పై చిలుకు పోలీసు ఉద్యోగాలు భర్తీ చేస్తామని చెప్పిన ప్రభుత్వం ఆ దిశగా చర్యలు ప్రారంభించింది. పోలీసు శాఖలో తొలి విడతలో మొత్తం 2904 ఉద్యోగాలు భర్తీ చేయాలని తెలంగాణ ప్రభుత్వం నిర్ణయించింది. తెలంగాణ స్పెషల్ పోలీసులో 2379 ఉద్యోగాలు, తెలంగాణ రాష్ట్ర స్పెషల్ పోలీసు శాఖలో 90 రిజర్వ్ సబ్ ఇన్స్ పెక్టర్ పోస్టులు, సివిల్ సబ్ ఇన్స్ పెక్టర్ పోస్టులు 101, స్పెషల్ ఆర్మడ్ రిజర్వ్ లో 2 సబ్ ఇన్స్ పెక్టర్, పోలీసు కమ్యూనికేషన్ శాఖలో 332 కానిస్టేబుల్ ఉద్యోగాలను భర్తీకి తెలంగాణ ప్రభుత్వం ఉత్తర్వులు జారీ చేసింది. ఈ ఉద్యోగాలన్నీ డైరెక్ట్ రిక్రూట్ మెంట్ విధానంలో భర్తీ చేస్తారు. రాష్ట్ర స్థాయి పోలీసు నియామక బోర్డు ఈ ఉద్యోగాల భర్తీ చేపడుతుంది. ఉద్యోగాల భర్తీకి తక్షణం చర్యలు చేపట్టాలని తెలంగాణ ప్రభుత్వం పోలీసు నియామక బోర్డును ఆదేశించింది.

ఈ నియామకాల కోసం ప్రభుత్వం జి.ఓ.156ను నవంబర్ 12, 2015న విడుదల చేసింది.

ఉద్యోగాలకు సిద్ధమవుతున్న అభ్యర్థులు ఇక కఠిన శ్రమకు సిద్ధంకండి. ఉద్యోగం కొట్టండి.

yours king publications

Monday, 9 November 2015

పోలీసు ఉద్యోగానికి పరుగే కీలకం

పోలీసు ఉద్యోగానికి పరుగే కీలకం

తెలంగాణ ప్రభుత్వం కొత్తగా ప్రకటించిన పోలీసు ఉద్యోగాల నియమాకానికి పరుగు కీలకం కాబోతోంది. పోలీసు విభాగం, అగ్నిమాపక విభాగంలో మొత్తంగా 9,056 పోస్టులు భర్తీ చేయనున్నారు. ఇందులో 1/3 ఉద్యోగాలు మహిళలకు ప్రత్యేకం. రాత పరీక్ష, దేహాదారుఢ్య పరీక్షల ఆధారంగా అభ్యర్థులను ఎంపిక చేస్తారు.

రాత పరీక్షకు తెలంగాణ చరిత్ర తప్పనిసరి. దేహాదారుఢ్య పరీక్షలను ప్రభుత్వం భారీగా సడలించింది. గతంలో పురుషులకు ఐదు కిలోమీటర్లు, మహిళలకు రెండు కిలోమీటర్ల పరుగు పోటీ ఉండేది. అంతే కాదు 100, 800 స్పింట్ర్స్, లాంగ్ జంప్, హై జంప్, షాట్ పుట్ లో అభ్యర్థులు ప్రావీణ్యం ప్రదర్శించాల్సి ఉండేది.

తాజాగా చేపట్టబోయే నియామకాల్లో భారీ మార్పులు చోటుచేసుకున్నాయి. పురుష అభ్యర్థులు ఇక ఐదు మీటర్ల రన్నింగ్ లో పాల్గొనాల్సిన అవసరం లేదు. ఐదు దేహాదారుఢ్య పరీక్షలకుగాను 800 మీటర్ల పరుగు, లాంగ్ జంప్ లేదా హై జంప్, షాట్ పుట్ లేదా 100 మీటర్ల పరుగు పోటీలో ఏవేవి రెండింటిలో ప్రావీణ్యం ప్రదర్శిస్తే చాలు.

మహిళ అభ్యర్థులు 100 మీటర్ల పరుగు పందెంలో పాల్గొని లాంగ్ జంప్ లేదా షాట్ ఫుట్ లో ప్రావీణ్యం ప్రదర్శిస్తే చాలు.
వీటితో పాటు వ్యక్తిత్వ పరీక్షల్లో కూడా పాస్ కావాల్సి ఉంటుంది. ఈ పరీక్ష సైనిక నియామకాల్లో అనుసరించే రీతిలో ఉంటుంది. జాతీయ సమగ్రత, మహిళలు, సమాజంలో అణగారిన వర్గాలు వంటి అంశాలు ఈ పరీక్షలో ఉంటాయి.

9056 పోస్టుల్లో 185 స్పెషల్ ప్రొటెక్షన్ పోస్టులు సహ 8,360 ఉద్యోగాలు పోలీసు శాఖలో, 510 ఉద్యోగాలు అగ్నిమాపక శాఖలో ఉన్నాయి.