- భారత అంతరిక్ష పరిశోధన సంస్థ(ఇస్రో) ఈనెల ఆరో తేదీన ఫ్రెంచి గయానాలోని కౌరు అంతరిక్ష ప్రయోగ కేంద్రం నుంచి జీశాట్-31 ఉపగ్రహాన్ని నింగిలోకి పంపేందుకు సన్నాహాలు చేస్తోంది.
- భారత కాలమానం ప్రకారం ఈనెల ఆరో తేదీన వేకువజామున 2.31 గంటలకు ప్రయోగం చేపట్టనున్నారు.
- దీని ద్వారా 2,535 కిలోల బరువున్న జీశాట్-31 ఉపగ్రహాన్ని నిర్ణీత కక్ష్యలో ప్రవేశ పెట్టనున్నారు.
- ఇది ఇస్రోకు చెందిన 40వ కమ్యూనికేషన్ ఉపగ్రహం.
- జీవితకాలం 15 ఏళ్లు. ఇన్సాట్-4సీఆర్కు ప్రత్యామ్నాయంగా జీశాట్-31 ఉపగ్రహాన్ని కక్ష్యలోకి పంపుతున్నారు.
- సోమవారం రాకెట్ సన్నద్ధత సమావేశం జరగనుంది.
- ఆ తర్వాత ఫైనల్ కౌంట్డౌన్ ప్రారంభిస్తారు.
- జీశాట్-31 ఉపగ్రహం హైస్పీడు ఇంటర్నెట్ సేవలకు, టెలి కమ్యూనికేషన్ ప్రసారాలకు ఉపయోగపడనుంది.
- కేంద్రం ఈసారి భారత అంతరిక్ష పరిశోధన సంస్థ(ఇస్రో)కు రూ.10,252 కోట్లకుపైగా బడ్జెట్ను కేటాయించింది.
- ఇప్పటివరకు ఇంత పెద్ద మొత్తంలో బడ్జెట్ కేటాయింపులు లేవు.
- 2018-19 ఆర్థిక సంవత్సరానికి రూ.9,918 కోట్లను కేటాయించింది.
- ఈ ఏడాది ఇస్రో 32 ప్రయోగాలు చేయాలని లక్ష్యంగా పెట్టుకుంది.
- ఇందులో 14 వాహక నౌకలు, 17 ఉపగ్రహాలు, ఒక టెక్డెమో మిషన్ ఉన్నాయి.
Monday, 4 February 2019
6న జీశాట్-31 ఉపగ్రహ ప్రయోగం
Subscribe to:
Post Comments (Atom)
No comments:
Post a Comment