తిండిలో మాంసాహారం, శాకాహారం ఉన్నాయి. మరి, నీళ్ల మాటేంటి? ఎహె, ఊరుకోండి నీళ్లలోనూ వెజిటేరియన్, నాన్వెజిటేరియన్ ఉంటాయా ఏంటి? అంటారా? ఈ యాడ్ తీరు అలాగే ఉంది మరి. ఓ వాటర్ ప్యూరిఫయర్ ఇచ్చిన ఆ యాడ్ ఇప్పుడు జనాన్ని ఆశ్చర్యపరిచింది. తమ ప్యూరిఫయర్లు ప్యూర్ అండ్ వెజిటేరియన్ వాటర్ ఇస్తుందని ఆ కంపెనీ యాడ్ ఇచ్చింది.‘‘మార్కెట్లో ఎన్నో రకాల ప్యూరిఫయర్లున్నాయి. అవి నీళ్లలో ఉన్న క్రిములను చంపేస్తున్నాయి. కానీ, చచ్చిపోయిన ఆ క్రిములు నీళ్లలో అలాగే ఉండిపోతున్నాయి. అంటే అవి నాన్వెజిటేరియన్ నీళ్లే కదా. కానీ, మా ప్యూరిఫయర్ మాత్రం నీళ్ల నుంచి ఆ చచ్చిపోయిన క్రిములను కూడా తొలగించేస్తుంది. కాబట్టి, స్వచ్ఛమైన వెజిటేరియన్ నీళ్లనిస్తాయి” అంటూ ప్రకటనలో రాసుకొచ్చింది.
No comments:
Post a Comment