వన్డేల్లో ధోని మరో రికార్డు

వన్డే క్రికెట్‌లో భారత్‌ తరఫున ఆడి 10వేల పరుగుల మైలురాయిని చేరుకున్న అతి తక్కువ మంది బ్యాట్స్‌మెన్‌ జాబితాలో ధోని చేరాడు. కాగా, భారత బ్యాట్స్‌మెన్‌లలో ఈ మార్కును అందుకున్న ఐదో ఆటగాడిగా నిలిచాడు. 2017లో ఇంగ్లాండ్‌ టూర్‌లో ఆడిన ధోని 10వేల పరుగుల మైలురాయికి కేవలం ఒక్క పరుగు దూరంలో ఆగిపోయాడు. (ఏషియా xi తరపున మూడు మ్యాచ్‌లు ఆడిన ధోని ఆఫ్రికా xiపై 174 పరుగులు చేశాడు) తాజాగా, సిడ్నీ వేదికగా జరిగిన వన్డేలో 51 పరుగులు చేసిన ధోని 10వేల పరుగులు చేసిన భారత ఆటగాళ్లు సచిన్‌, సౌరభ్‌ గంగూలీ, రాహుల్‌ ద్రవిడ్‌, విరాట్‌ కోహ్లీల సరసన చేరాడు. ఇక్కడ మరో ఆసక్తికర విషయమేమిటంటే ధోని, కోహ్లీ మాత్రమే 10వేల పరుగుల క్లబ్‌లో చేరి, ఇంకా కొనసాగుతున్న ఆటగాళ్లుగా నిలిచారు.