యూరోపియన్ సెంట్రల్ బ్యాంక్ (ఈసీబీ) అధ్యక్షురాలిగా అంతర్జాతీయ ద్రవ్య నిధి సంస్థ (ఐఎంఎఫ్) ప్రస్తుత మేనేజింగ్ డెరైక్టర్ క్రిస్టిన్ లగార్డే ఎంపికయ్యారు.దీంతో ఈసీబీ అధ్యక్షురాలిగా మారియో డ్రాగి స్థానంలో 2019 నవంబరు 1న బాధ్యతలు స్వీకరించనున్నారు. మారియో ఎనిమిదేళ్ల కాల పరిమితి 2019 అక్టోబరు 31న ముగియనుంది.ఫ్రాన్స్‌కి చెందిన క్రిస్టిన్ లగార్డే 2011, జులై 5న ఐఎంఎఫ్ 11వ ఎండీగా నియమితులయ్యారు. దీంతో ఈ పదవి చేపట్టిన తొలి మహిళగా గుర్తింపు పొందారు. ఇప్పుడామె ఈసీబీ అధ్యక్షురాలిగా మారియో డ్రాగి స్థానాన్ని భర్తీ చేయబోతున్నారు. ఈ నేపథ్యంలో ఐఎంఎఫ్‌కు తాత్కాలిక ఎండీగా డేవిడ్ లిప్టన్‌ను నియమిస్తున్నట్లు ఐఎంఎఫ్ ఎగ్జిక్యూటివ్ బోర్డు ప్రకటించింది. ప్రస్తుతం ఈయన ఐఎంఎఫ్‌కు తొలి డిప్యూటీ మేనేజింగ్ డెరైక్టర్‌గా కొనసాగుతున్నారు.
No comments:
Post a Comment