రేషన్‌ దుకాణాల ద్వారా ‘ఆహారబుట్ట’

ఐటీడీఏ పరిధిలోని గిరిజన కుటుంబాలకు పోషకాహారం అందించేందుకు ఉద్దేశించిన ‘ఆహారబుట్ట’(ఫుడ్‌ బాస్కెట్‌) పథకానికి ఆంధ్రప్రదేశ్‌ రాష్ట్ర ప్రభుత్వం మార్గదర్శకాలు జారీ చేసింది.

• వీటిని పంపిణీ చేసే బాధ్యతలను పౌరసరఫరాల శాఖకు అప్పగిస్తూ నిర్ణయం తీసుకుంది.
• పోషకాల కొనుగోలు బాధ్యతలనూ ఆ సంస్థకే అప్పగిస్తూ 2019 జనవరి 14న ఉత్తర్వులు జారీ చేసింది.
• పథకం అమలు, పర్యవేక్షణ కోసం రాష్ట్ర, జిల్లా స్థాయి కమిటీలను ఏర్పాటు చేసింది.
• రాష్ట్ర స్థాయి కమిటీలకి గిరిజన సంక్షేమ శాఖ సంచాలకులు కన్వీనర్‌గా వ్యవహరిస్తారు.
• పౌరసరఫరా సంస్థ ఎండీ, గిరిజన సహకార సంస్థ ఎండీ తదితరులు సభ్యులుగా ఉంటారు.
• జిల్లా కమిటీకి కలెక్టర్‌ ఛైర్మన్‌గా వ్యవహరిస్తారు.
• గిరిజనుల్లో పోషకాహారాన్ని నివారించాన్న ఉద్దేశంతో ఈ పథకాన్ని తీసుకొచ్చింది.
• ఏజెన్సీ పరిధిలోని దాదాపు 2 లక్షల పైచిలుకు తెల్లకార్డులున్న గిరిజనులకు రూ.500 విలువైన ఆరు రకాల పోషకాల్ని ఉచితంగా ఇస్తారు.
• ఇందుకోసం 2018-19 బడ్జెట్‌లో రూ.120 కోట్లను ప్రభుత్వం కేటాయించింది.
• ఆహారబుట్టలో ఉండే పదార్థాలు : రాగి పిండి - 2 కిలోలు, కందిపప్పు- 2 కిలోలు, పొద్దు తిరుగుడు నూనె- లీటరు, వేరుశనగ- కిలో, డబుల్‌ ఫోర్టిఫైడ్‌ ఉప్పు(అయోడిన్‌, ఐరన్‌ ఉన్నది)- కిలో, బెల్లం- కిలో
• ఐటీడీఏ పరిధిలో తెల్లరేషన్‌ కార్డులున్న గిరిజన కుటుంబాలు ఈ పథకానికి అర్హులు.
• నెలకు కుటుంబానికి ఒక ఆహారబుట్ట చొప్పున అందజేస్తారు