పర్వతాలు, సరస్సులు, ప్రకృతి సోయగాలతో కనువిందు చేసే లద్దాఖ్‌లో ప్రపంచంలోనే అతిపెద్దదైన సౌర విద్యుత్‌ కర్మాగారం ఏర్పాటు కానుంది. 25 వేల ఎకరాల్లో 5000 మెగావాట్ల సామర్థ్యంతో దీన్ని నిర్మించనున్నారు.
- ఒకే ప్రాంతంలో
ఇంత భారీ విస్తీర్ణంలో ఇప్పటివరకూ ఏ
సౌర విద్యుత్‌ కర్మాగారామూ ఏర్పాటు కాలేదు.
- జమ్మూకశ్మీర్‌లోనే ఉన్న కార్గిల్‌లో 12.5 వేల ఎకరాల విస్తీర్ణంలో
2,500 మెగావాట్ల సామర్థ్యంతో మరొకదాన్ని నిర్మించనున్నారు. ఈ రెండు కర్మాగారాల ద్వారా ఏటా 12,750 టన్నుల మేర కర్బన ఉద్గారాలను తగ్గించుకునే అవకాశం ఉంది.
- కేంద్ర పునరుత్పాదక
ఇంధన మంత్రిత్వశాఖ నేతృత్వంలోని భారత సౌర విద్యుత్‌ సంస్థ (SECI) ఈ కర్మాగారాలను నెలకొల్పడానికి కృషి చేస్తోంది. రూ.45 వేల కోట్ల అంచనా వ్యయంతో 2023 కల్లా వీటిని నిర్మించనున్నట్లు ఆ
సంస్థ పేర్కొంది.
- లద్దాఖ్‌లోని హన్లె ఖాల్డో, కార్గిల్‌లోని సురుల్లో
ఇవి ఏర్పాటు కానున్నాయి.
- లద్దాఖ్‌లో ఉత్పత్తైన
విద్యుత్‌ను హర్యానాలోని కైథల్‌కు సరఫరా చేస్తారు. ఇందుకోసం లెహ్-మనాలీ మార్గం వెంబడి 900 కి.మీ. మేర లైన్‌ వేయనున్నారు. కార్గిల్‌ ప్రాజెక్టును శ్రీనగర్‌కు సమీపంలోని న్యూ వాన్‌పోలో ఉన్న గ్రిడ్‌తో అనుసంధానిస్తారు.
SECI-Solar Energy Corporation of India
No comments:
Post a Comment