టీటీ టోర్ని సింగిల్స్ విజేతగా శ్రీజ

జాతీయ సీనియర్ ర్యాంకింగ్ టీటీ టోర్నమెంట్ మహిళల సింగిల్స్ విభాగంలో తెలంగాణకి చెందిన ఆకుల శ్రీజ విజేతగా నిలిచింది.హరియాణాలోని సోనెపట్‌లో జూన్ 27న ముగిసిన ఈ టోర్నిలో ఆర్‌బీఐ తరఫున బరిలోకి దిగిన శ్రీజ ఫైనల్లో 6-11, 7-11, 14-12, 13-11, 11-9, 11-9తో సుతీర్థ ముఖర్జీ (హరియాణా)పై విజయం సాధించింది. దీంతో శ్రీజ తొలిసారి సీనియర్ స్థాయిలో విజేతగా నిలిచినట్లయింది. అలాగే జాతీయ ర్యాంకింగ్ టీటీ టోర్నీలో మహిళల సింగిల్స్ విభాగంలో టైటిల్ సాధించిన తొలి తెలంగాణ అమ్మాయిగా కూడా శ్రీజ గుర్తింపు పొందింది.