ఈ-సిగరెట్లపై నిషేధం : కేంద్ర మంత్రివర్గం నిర్ణయం

i.          దేశంలో కొత్త వ్యసనంలా మారిన ఈ-సిగరెట్లను నిషేధించాలని కేంద్రం నిర్ణయించింది. ఈ-సిగరెట్లను నిషేధిస్తూ అత్యవసరాదేశాలు (ఆర్డినెన్స్‌) తీసుకురావడంతో పాటు, రైల్వే ఉద్యోగులకు 78 రోజుల వేతనానికి సమానంగా ఉత్పాదకతతో ముడిపడిన బోనస్‌ ఇవ్వడానికి కేంద్ర మంత్రివర్గం ఆమోదముద్ర వేసింది.

ii.       ఈ-సిగరెట్లను వినియోగిస్తున్న వారిలో ప్రపంచంలో చైనాది మొదటి స్థానం కాగా, భారత్‌ది రెండో స్థానం. మన దేశంలో దాదాపు 11 కోట్ల మంది ఉపయోగిస్తున్నారు.

iii.     ఈ-సిగరెట్లపై నిషేధాన్ని ఉల్లంఘిస్తే తొలిసారి ఏడాది జైలు, రూ. లక్ష జరిమానా విధించడానికి అవకాశం ఉంది. మళ్లీ అదే నేరానికి పాల్పడితే రూ. 5 లక్షల జరిమానా, మూడేళ్ల జైలు.. లేదంటే రెండూ విధించవచ్చు. నిల్వచేస్తే రూ.50 వేల జరిమానా, ఆరు నెలల జైలు శిక్ష ఉంటుంది.