ప్రధానమంత్రి ముఖ్య కార్యదర్శిగా మిశ్రా

ప్రధానమంత్రి నరేంద్ర మోదీ ముఖ్య కార్యదర్శిగా రిటైర్డ్ ఐఏఎస్ అధికారి ప్రమోద్ కుమార్ మిశ్రా(71) నియమితులయ్యారు.అలాగే ప్రధాని ముఖ్య సలహాదారుగా మాజీ కేబినెట్ కార్యదర్శి పి.కె. సిన్హా(64) నియమితులయ్యారు. ఈ మేరకు సెప్టెంబర్ 11న కేంద్ర ప్రభుత్వం ఉత్తర్వులు జారీ చేసింది. 1972 గుజరాత్ కేడర్ ఐఏఎస్ అధికారైన మిశ్రా, 2014-19 మధ్యకాలంలో ప్రధాని అదనపు ముఖ్య కార్యదర్శిగా విధులు నిర్వర్తించారు. ఈ సందర్భంగా ప్రభుత్వంలోని ఉన్నత పదవుల భర్తీ విషయంలో కీలక సంస్కరణలను ప్రవేశపెట్టారు. వ్యవసాయం, విపత్తు నిర్వహణ, విద్యుత్, మౌలికవసతులు, ఆర్థిక రంగాల్లో ఆయనకు విశేషానుభవం ఉంది.